Col. Lopez, nanawagan nga magbuhat hin magkabulag nga imbestigasyon an CHR

TACLOBAN CITY - Nanawagan hi Col. Oscar P. Lopez han 803rd Brigade Commander, ha publiko ngan maguin Commission on Human Rights (CHR) nga madumara hin magkabulag nga imbestigasyon bahin han pan-ambush patay han walo nga mga kapulisan ha northern Samar.
Sumala kan Col. Lopez, guin kukundina han 803rd Brigade, an karumdumal nga pan-ambush patay han walo nga kapulisan ha Catarman, northern Samar.
Dugang pa ni Col. Lopez nakabantay na an Philippine Army ha northern Samar nga magbuhat hin konkreto nga pitad agud mamintinar an katalwasan han pira nga mga resedente han northern Samar.

by: Bomboradyo

Army kabulig han kapulisan para malutas an panmusil

An 42nd Infantry Battalion han Philippine Army in gin mandohan nga mag-asister ha Philippine National Police para pag-imbestiga han bag-o la nga pag-atake ngadto han mga meyembro han local nga tagapahayag nga nahinabo dida han naglabay nga Byarnes han gab-i ha Southern Luzon.

Hi Maj. Harold Cabunoc, tagapagyakan han 9th Infantry Division, nagsiring nga an mando in tikang kan Maj. Gen. Ruperto Pabustan, 9ID Commander, ngan kasumpay hini an mga kasundalohan in naghatag hin dugo kahuman makarawat an request nga tikang han pamiya han biktima nga kinahanglan nira hin blood donors.

Hi Miguel Belen, 48, usa nga reporter han usa nga estasyon han radyo DWEB FM nga naigbos mamatay, kahuman han panmusil han waray pa makilal-i nga armado nga tawo dida han alas 8:30 han gab-i petsa 9 han Julyo ha Iriga City, probensya hiton Camarines Sur.

Dinhi naman ha aton dapit, sumala kan Lt. Col. Armand Rico, tapagyakan han 8th Infantry Division nga nakabase ha Camp Lukban, Maulong, Catbalogan Samar nga may-ada gihapon mga media practitioners nga wanted han mga grupo han New Peoples Army tungod han pagpapahayag han tinood nga mga natatabo labi na gud pagbatikos han mga illegal nga binuhatan han mga npa ngadto han mga molopyo han Sinirangan Bisayas.

Dugang pa ni Lt. Col. Rico, para gihapon maseguro an seguridad han mga nasabi nga mga media practitioners mas mauro-upay nga diri nala ini hira ngaranan ha pagkayana. Ngan iya gin aaghat an mga media practitioners nga magpadayon han ira trabaho ngan magin mabinantayon, himoon an tama, klaro, balase ngan madagmit nga pagpa-abot han mga balita, ha pagtatapos ni Lt. Col. Rico./Ed

Army ngan mga bandido nga NPA nagbakbakan ha DavSur

An tropa han 10th Infantry Division han Philippine Army ngan mga New People’s Army o (NPA) in bg-o la nga nagbakbakan ha Southern Mindanao didto ha Sitio Upper Bakoko, Kapatagan ha Digos City probinsya han Davao Del Sur dida han mga alas 3:45 han kulop.

An tropa han 39th Infantry Battalion in nagresponde han inpormasyon han mga residente nga nagresulta hin engkwentro hin maabot 15 nga mga NPA nga pinamumunu-an nga nag-nga-ngaran kan Roberto Castillote alias Enoy meyembro han Local Terrorist Front-51. Ha dyes minutos nga pinusilay- nagresulta hin pag karekopo hin usa nga M16 assault rifle.

Nagtotoo an mga otoridad nga duha an possible nasamaran ngan namatay tungod nahikit-an hini han tropa han gobyerno nga may ada gin guguyod ngan gin aalsa han mga NPA nga ira kaupod. Sumala han militar, gin komperma han mga residente nga nakakita nga duha an gin aalsa nga lawas han mga NPA han ira pagkalagiw.

Sumala kan Maj. Gen. Carlos Holganza, Commander han 10th Infantry Division Philippine Army, an engkwentro in nagpapakita nga nagtitikakusog an suporta han katawhan han amon kampanya kontra terorismo ngan pagpuypuy han mga NPA ha kabukiran.”

“Amon gin aaghat an mga nawawara ha dalan nga aton mga kabugtu-an nga maki-usa hin mahimyang nga pamaagi ngan magsurender na para hira in makatagamtam hin bag-o nga panginabuhi kaupod han ira pamilya pero diri namon papabay-an an ira mga abuso han mga tawo nga naruruyag hin kamurayawan nga amu an biktima han ira extortion ngan terroristic attacks.” Ha pagtatapos ni Holganza./ed

Nueva Viscaya gin deklara nga NPA-free na!

Kahuman madeklara nga insurgency free an kaharani nga probinsya nga mao an Quirino Province, ha tulo ka dekada nga hulga han komunista nga kagi-usan ha katapos taposan nagin insurgency free na an Nueva Viscaya.

An Northern Luzon Command o NOLCOM nga nakabase ha Tarlac City nagsirirng nga an Nueva Viscaya Internal Security Operations in aada na ha ilarom han pagsuperbar han mga lokal nga opisyalaes han probinsya ngan nadeklara na nga insurgency-free tikang han mga hulga han mga komunista nga New People’s Army o NPA.

Labot pa han Nueva Viscaya ngan Quirino an rehiyon han Cagayan Valley, gin deklara gihapon han Philippine Army nga insurgency free na an probensya han Apayao ha Cordillera Region ug sugad man an Tarlac ngan Aurora ha Central Luzon.

Samtang nadakop naman han tropa han NOLCOM an gin aalegra nga lider han mga komunista nga hi Eldo Sandoval didto ha Pampanga han naglabay nga semana.

Hi Maj. Rosendo Armas an taga pagyakan han NOLCOM nagsiring nga hi Sandoval in kilala ha kagiusan ha ngaran nga Gerry Vergarar, Diosdado Villaganas Remulta ngan Tanda in wanted ha kaso nga murder.

Sumala ha report hi Sandoval in nakorner han mga militar ngan kapulisan ha karsada han Olongapo-Gapan ha Barangay Dolores, San Fernando City dida han martes han aga.

An nakuha kan Sandoval in granada ngan duha nga cellphone sumala pa kan Armas.

Hi Sandoval in nakahimo hin grave offense kontra han iya nga kaupod kumo usa nga leader han mga terorista nga grupo nga amo an utok han pagharass ngan pag-abuso ha katawhan. Ngan panahon na nga atubangon niya an balaod ngan matagan hin kaangayan nga sirot sumala pa kan NOLCOM Commander Lt. Gen. Ricardo David Jr. (ed)

Sibilyan, ginpatay han mga NPA ha San Sebastian

Usa na liwat nga inosente nga sibilyan an nagin biktima han pagpamatay han mga gintutuuhan nga mga miyembro han New People’s Army hadton inagi nga petsa otso hini nga bulan didto ha Brgy Canduyucan, San Sebastian, Samar.

An biktima in ginkilala nga hi Elmer Mabag, 41 anyos, may asawa ug residente han mao manta nga brgy.

Sumala han report, samtang napahuway hi Mabag tikang hiton iya mga buruhaton, tigda nala hiya nga ginpauranan han bala han tulo nga mga armado nga mga kalalakin-an nga gintutuuhan nga mga miyembro han Sub Seksyon Komite Jaime, SECCOM SS1, SPPC, EVRPC han NPA.

Ha gilayon, namatay an biktima dara hiton kadamo han tama han mga bala han M16 ha magkadurudialin nga parte han iya lawas.

Kahuman la magmalinampuson han ira krimen, an mga suspetsado in dayon nga nagpalagiw.

Hi Mabag in usa na liwat nga biktima han kanan mga komunista tuyo nga limpyuhan an ira grupo pinaagi han panmatay han ira gintutuuhan nga kontra rebolusyonaryo ug impormante han militar.

Mahinumduman nga yinukot-yukot na nga mga kinabuhi han mga sibilyan iton ginkuha hini nga mga terorista nga mga NPA nga kon diin, nakuha nala ini hira ha mga nadiskubre nga mga mass graves ha magkadurudilain nga parte han aton nasud.

Pinaagi hini, nanawagan an pamunuan han 8th Infantry Division pinaagi han ira commander nga hi MGen. Arthur Tabaquero ngadto han mga sibilyan nga likayan ta na nga madugngan pa an mga kinabuhi nga nakawang pinaagi han dire makatawo nga panmatay hini nga mga bandido nga grupo. Kinahanglan gud an hul-os nga suporta han mga tawo agud padayon na nga mapuypoy ini nga dire makatawo nga mga buruhaton hini nga mga terorista ug matagan hustisya an pagamatay han damon nga mga inosente nga sibilyan. (Jaspher)

188 nga runners nagpartisipar han 1st 11ib “run for peace” fun run

An 11th Infantry (Lapu-lapu) Battalion, han Philippine Army nagkondukto hin 1st Lapu-Lapu invitational “Run for Peace” han naglabay nga adlaw ha Guihulngan City, Negros Oriental. Ini in gin partisiparan hin maabot syento otsenta y otso nga mga runners nga tikang ha magkaiba-iba nga lugar sugad ha Himamaylan City, Bacolod City, Silay City, Calatrava, La Carlota City han Negros Occidental ngan Dumaguete City, La Libertad, Guihulngan City ngan Canlaon City han Negros Oriental.

Sumala kan Ltcol Ramil Bitong an 11IB in naghimo hin sugad nga aktibidad para pagsuporta han sports development program han gobyernongan han Philippine Army labi na gud an Local Government Units .

Dugang pa ni Ltc Bitong an sports nga sugad han pagdalagan in nakakadugang hin kaupayan ha lawas ngan physical fitness ngan makakaiwas an mga molopyo labi na gud an mga kabataan ha maraot nga bisyo ngan impluwensya han Communist Front Organizations.

Gin pasalamatan ni Ltc Bitong an mga nagpartisipar hini nga aktibidad. “ini nga mga nagtambong nagpapakita la ini han ira suporta diri la ha pagbulig ha pagpromote han physical fitness kundi an pagpaangbit han advocacy for peace and prosperity dinhi ha Negros.”

1 NPA patay ha enkwentro ha Negros Occidental

BACOLOD CITY – Patay an usa nga myenbro han New Peoples Army (NPA) han nahitabo nga engkwentro ha Brgy. Cambayugo bayan han Calatrava ha lalawigan han Negros Occidental.
Ini an ginkumpirma ni Lt. Col. Nathaniel Villasor, tagagyakan han 303rd Infantry Brigade han Philippine Army .

Siring niy, naghihimo hin combat patrol an scout platoon han 62nd Infantry Battalion han makakarawat hira hin impormasyon mula ha mga residente nga may presensiya han mga armado nga grupo ha nasabi nga lugar kahapon nga aga.

Maabot ha 15 nga mga rebelde an ira naingkwentro kun diin nag iha ini hin 30 minutos nga burubalyuay hin putok ngadto ha pag-withdraw han mga NPA.

Na-recover han mga sundalo an usa nga Icom handheld radio, usa nga rifle grenade, damo nga empty shells han M14 armalite rifle, ngan backpack nga may sulod nga mga subersibong dokumento.

Waray naman may nasamaran o namatay ha panig hiton militar ngan gin aadman pa kun ano nga grupo nga mga rebelde an ira naka ingkwentro..

Gen. Bangit ha mga sundalo: Magigin tangkod ha tungkulin

Waray pagpa apekto hi Armed Forces of the Philippines (AFP) Chief of Staff Gen. Delfin Bangit han wala tuo nga mga panawagan ha iya nga bayaan na an iya pwesto katapos nga ma bypass han kongreso in iya appointment ha sandatahang lakas.

Ha ginhimo nga flag raising ceremony kanina nga aga, imbis unta nga bumaya na in naghatag lugod hin mensahe hi Bangit han mga kasundaluhan nga magigin tangkod hiya bisan pa damo an nagsisira han ira organisasyon.

Ginsiring ni AFP spokesman Lt Col Arnulfo Burgos, ginsunod la nira kun ano an magigin sugo han Commnander in Chief tikang ha pagkayana ngan an masunod nga administrasyon.
Nahibaruan nga ginpapapirmi ni Pangulo Arroyo hi Bangit ha eya pwesto bisan pa han iya pagkaka-bypass ha Commission on Appoinments..

Gin anunsyo ni Executive Sec. Leandro Mendoza, gin aprobahan nah an Pangulo an rekomindasyon han Department of National Defense (DND) nga tugutan an 302 nga senior officers kaupod na hi Bangit nga mapirmi ha pwesto.

Ginsiring ni Mendoza nga an panuyuan hini in para malikayan an demoralisasyon ha hanay hiton AFP Officer Corps ngan mamintinar an integridad han command structure han sul;od han military.

Bangit ngan 301 pa nga opisyal magpapabilin - PGMA

Pinapanatili ngayon ni Pangulong Gloria Arroyo si AFP chief of staff Lt. Gen. Delfin Bangit sa kanyang puwesto sa kabila ng pagkaka-bypass sa Commission on Appointments (CA).

Inianunsyo ngayon ni Executive Sec. Leandro Mendoza, na inaprubahan na ng Pangulo ang rekomendasyon ng Department of National Defense (DND) na payagan ang 302 senior officers kasama na rito si Bangit na manatili sa kanilang posisyon.

Sinabi ni Mendoza na layon nitong maiwasan ang demoralisasyon sa hanay ng AFP Officer Corps at mapanatili ang integridad ng command structure sa loob ng militar.

Ayon kay Mendoza, importante ang nasabing desisyon ng Pangulo na siya ring commander-in-chief upang hindi maapektuhan ang public service at hindi malagay sa alanganin ang seguridad ng bansa.

“Failure to act decisively on the matter could have led to serious demoralization in the AFP Officer Corps, and undermine the integrity of the military’s command structure,” ani Mendoza.

Naunang inihayag ni Senate President Juan Ponce Enrile noong Biyernes na dapat na agad na mag-alsa balutan si Bangit sa puwesto matapos na magsara na ang 14th Congress, bagay na kinontra ng ilan pang AFP officers.

Anti-insurgency program nadelantar tungud han nakalabay nga pinilay

TACLOBAN CITY – Ginpahayag ni 8th Infantry Division Commanding Officer Major General Arthur I. Tabaquero nga naapektohan an operasyon mahintungud han insurgency nga problema dinhi ha aton rehiyon.

Sumala kan Maj. Gen. Tabaquero nga nadelantar an ira pag-implementar han programa mahintungud han anti-insegency nga seyahan natatagan hin atensyon adton mga CPP/ NPA/ NDF ha aton rehiyon.

Sigun pa ni Tabaquero ini in tungud nga gin-una anay nira an pagbulig ha Philippine National Police ngan Commission on Elections para masiguro an siguridad han nakalabay nga piniliay.

Dugang pa ni Tabaquero nga hapagkayana in nagkamayada na hira realigning han mga units han AFP para matugunan utro an proglema kaparte han insurgency dinhi ha aton rehiyon.

2 batalyon hin pulis ngan sundalo, mghahatag hin seguridad han special election ha Lanao Sur

CAGAYAN DE ORO CITY – gintikangan na kanina nga aga an special election ha pito nga bungto han Lanao Del Sur..

Segun ni Atty. Stalin Baguio, election officer han lugar, andam na daw an mga pulis ngan sundalo nga magin board of election inspectors (BEI's) ha mga bayan han Lumba Bayabao, Masiu, Sultan Dumalondong, Tubaran, Lumbaca Unayan, Marogong ngan Bayang.

Kaupod hini an 207 nga mga police trainee tikang ha Regional Police Training Center han PNP region 10 ha Cagayan de Oro.

Dugang pa ni Baguio, waray dapat nga iakbaraka ha seguridad tungod nga duha nga batalyon hin pulis ngan mga sundalo kaupod an mga tangke de giyera nga iginpakalat yana han nasabi nga mga bungto.

Brigada Eskwela, gin-implementar para pag-awhag han kumunidad

TACLOBAN CITY - Gin-implementar an Brigada Eskwela para pag-awhag han kumunidad ngan magkaada hin tinatawag nga sense of ownership an mga kag-anak ha mga eskwelahan hiton ira mga anak.

Ini an gintagan hin duon ni Sir Alberto Escobarte, Assistant Regional Director han DepEd Region 8.

Dugang pa han mao nga opisyal nga an Brigada Eskwela in usa nga programa nga ginpormalisa han departamento pero an tinuod gud hini nga ngaran amo an National School Maintenance Week kon diin nagpapa-isan isan iton tagsa-tasga nga mga eskwelahan ha pagpahusay ha mga ini.

Gin-iimbitar naman ni Escobarte an mga kag-anak nga bumulig pagpintaksi ha mga esklwehan kay iton ira man mga anak it makakabenepisyo hini.

3 nga anay rebelde ha Leyte, guinpasidunggan, pira nga armas de fuego guinsurender

TACLOBAN CITY - Ginpasidunggan kakulop nga adlaw han Social Integration Program of the Arroyo Administration an tulo nga anay rebelde tikang ha Leyte didto ha kampo han 8th Infantry Division kun diin in kada tagsa ha ira in nakakarawat hin cash komo pahalipay tungod han ira iginpan-surrender nga mga armas.

Ginkilala an 3 nga anay mga rebelde nga amo hira Gerald Perez komo anay miyembro han Mt. Amandawin Command nga nagbalik hin usa nga Browning Rifle ngan nakakarawat hin P95,000. Angelito Remojo nga nag-uli hin caliber 5.56 M16 rifle, ngan nakakarawat hin P50,000 ngan Francisco Teramo nga nag -uli hin 30 M -2 carbine rifle kun diin in nakakkarawat naman ini hin P10,000.

Samtang, nakadto naman hi Commanding General Arthur Tabaquero para ha pagtambong han simple nga seremonyas nga ginbuhat.

Ginyakan ni Arthur Tabaquero ha iya mensahe nga iya iginkakalipay adton anay mga rebelde nga utro nga nahangkop han demokrasya.

10 nga rebelde nga NPA nagsurrender

Ha inagi nga tulo kasimana, 10 na naman nga kumunistang NPA in nag surrender ha mga otoridad ha Southern Mindanao.

An Commnading General han 10^th Infantry Division nga hi Maj. Gen. Carlos Holganza in nag siring nga an 10 nga rebelde in buluntaryo nga nag surrender ngadto han army units.

Ma total hin 29 an mga nagsurrender ha Southern Mindanao. An probinsya naman han Compostela valley in lima an mga nag surrender,kasunod an Davao Del Norte kun diin 3 an nag surrender ngan 2 Davao del Sur.

Segun pa ni Holganza, an nagin rason hini kay ano nga nagsurrender hira ha gobyerno kay tungod han kakuri nga inaabat nira ha kabukiran.

Samtang, Ha pakig sumpayan ha Office of the Presidential Adviser on the Peace Process (OPPAP), hira in nagsiring nga masobra 585 nga mga nag surrender nga mga rebelde nga New Peoples Army (NPA) in gin abandona an ira kagiusan ngan bumalik ha piod han gobyerno pinaagi han Social Integration Program (SIP).

Ha ilarom nga programa han Social Integration Progaram, an mga rebelde nga bumalik ha piod han gobyerno in makakatagamtam hin kadagmitan nga 20,000 pesos cash assistance ngan makakatagamtam liwat hira hin additional economic assistance sugad hiton sari-sari store ngan iba pa nga mga pakabuhi.

AFP nagsasaad nga proprotektahan an katungod ngan dungog han mga kabataan nga naapektuhan han kasamok

Para pagtuman han sumat han United Nations, ginpakusog utro han Armed forces of the Philippines (AFP) an pag laom ngan determinasyon hini para protiktaran an karapatan ngan katungod han kabataan para makaghatag an mga ini hin bulig para magin maupay an ira pamati parte hito epekto nga kasamok han ira lugar.

Nasusulod an commitment han Sandatahang Lakas han mga patakaran, patnubay ngan mga direktiba han Republic Act 7610 o an batas nga nagsisiring nga maghatag hin kusog o special protection kuntra han pan aabuso han kabataan, pagsasamantala ngan pag-aapi ngan an RA 9344 nga mas kilala kumo Juvenile Justice Welfare Act.

Segun pa ni Brig. Gen Francisco Cruz Jr. Commander han Civil Relations Services han Afp nga pinaka prayoridad nira nga mapugngan an recruitment han mga kabataan para magin child combatants.

Usa liwat han mga signatories han Memorandom of Agreement (MOA) an handling and treatment of children involved in armed conflict an AFP kun diin kaapi an pagrescue o pagpapadali han mga ginsuko nga kabataan na kaapi han kasamok nga dapat ireport an mga narescue ha sulod han bente kwatro oras ha Department of Social Welfare and Development (DSWD) Field office o ha Local chief executive.

Ha records han DSWD, 925 child combatants na an ira nai-turn over ha AFP ha ira tikang han 2000 ngadto 2006.

16 nga SIP scholars makakahuman ha 1st year collage

16 nga mga iskolar ha ilarom han Social Integration Program (SIP) in makakatapos han ira ika 1st year ha collage yana nga bulan.

An SIP Provincial Coordinator nga hi Bing Haddac in nag siring, nga an gin hatag nga scholarship in pakigbisog han Office of the Presidential Adviser on Peace Process (OPPAP) ngan Commission on Higher on Education (CHED).

An mga binipisyaryo hini nga programa in mga pamilya han mga rebelde nga bumalik na ha piod han gobyerno sugad han asawa ngan ira mga anak.

An mga skolar in makakatagamtam hin 5,000 pesos nga allowance kada semester ha upat katuig nira nga baraydan ha eskwelahan, libro ngan iba pa gastuson ha ira pag aram.


Hingyap gihapon ni Haddac an ini nga batch in makakatapos hin kolihiyo para magkamay ada hin maupay nga kumunikasyon nga mao gug iton hingyap han mao nga programa.

Ngan iya pa gin ngaranan nga han inagi pala nga tuig,an mga nakatagamtam han iskolar nga nagin manilampuson nga nakumplito an pag iskwela ha kolihiyo ngan yana in malipayon na han ira mga trabaho.

An pinakabag-o la nga nagtapos hin Collage in usa nga Nursing student nga nakapasar dayon han Nursing board examination ngan usa man liwat nga education graduate nga yana in usa na nga natrabaho ha Pangasinan.

Presensya han Army ha Cebu kaangayan la

Ha mga panuyuan, an usa nga lugar in angay daw la mag kamay-ada pesensya han Philippine Army kun ini in usa nga insurgents area. An 78th Infantry Battalion in aada la gihapon ha probinsya ha Cebu kun diin ha diri pala maiha gin diklarar ini nga insurgency free han mga military.

Segun pa ni Major Juanito Abecia ha usa nga gin himo nga press conference dinhi ha Catbalogan han nakalabay nga mga adlaw, nga aada la hira gihapon ha Cebu kay tungod nga para masupurtahn an ira mga ginhihingyap nga kamurayawan. Ini an iya nagin reaksyon durante han nagin pakiana ha iya han usa nga myembro han Media nga hi Rommel Rutor kasumpay han pagkakadiklarar han Cebu nga insurgency free.

Hi Abecia in usa nga opisyal han Philippine Army ug meyembro han 78th IB nga naka base ha Barangay Nangka Balamban Cebu. Hira in nagkukundukto hin Barangay security system para ma monitor iton ira mga kalaban nga nabalik han nasabi nga probinsya.

Hira Major Abecia kaupod an 23 nga CMOU Officers in mga penalists han usa nga gin himo nga press conference nga gin organisa han 8th Infantry Division ngan Samar Media ngan ini in gin kundukto ni Lt. Col. Armand Rico.

AFP andam na para tikangan an final phase agud tapuson an communist insurgency

An aton nasod in andam na para umatubang han pinal nga nga katapusan han communist insurgency.

Ha diri pala maiha, gin diklarar ni Defense Secretary Adviser Norberto Gonzales nga an Armed Forces of the Philippines in nahimo na an ira papel in terms of military action para matapos an communist armed rebellion kun diin ini in nahibaruan nga nagtitikahinay na an pwersa han mga rebelde.

An panguna nga eleminto han istratiya in para madara han katawhan an faith communities, major civic organizations, government bureaucracies ngan an Philippine National Police in para para magtrabaho kaupod an AFP para han kahimyangan ngan pag uswag ngan para bumalik na ha piod han gobyerno an mga rebelde.

An nasabi nga istartihiya in para kaapi gihapon an pagkundukto hin hul-os nga “peacetalks han grassroots level. Ngan para mapa uswag pa nga mapadako an kana gobyerno “social integration program para ngadto han mga rebelde nga bumalik na ha piod han gobyerno.

Samtang padayon gihapon an aksyon han military parte han mga nagkabibilin nga lugar nga gin didiklarar nga hot spots.

Dugang pa ni Gonzales, pag tapos han insuhinsiya in usa la nga trabaho han militar kaapi gihapon hini an pulitika.an kinahanglan yana in mas pa nga polical action kaysa ha military action.

An political action in kinahanglan la nga in api an partisipasyon han pinakahiluag nga cross-section han aton sosyudad.

585 former NPA Rebels natagan hin livelihood assistance

Ha pakig sumpayan ha Office of the Presidential Adviser on the Peace Process (OPPAP), hira in nagsiring nga na total hin 585 nga mga nag surrender nga mga rebelde nga New Peoples Army (NPA) in gin abandona an ira kagiusan ngan bumalik ha piod han gobyerno pinaagi han Social Integration Program (SIP).

Ha record nga gin sumite han OPPAP ha ilarom nga pamumuno ni Secretary Annabelle T. Abaya nahisumat nga kadamuan han 478 nga iba pa mga rebel returnees in yana aada na ha proseso an ira mga papel.

Ha ilarom nga programa han Social Integration Progaram, an mga rebelde nga bumalik ha piod han gobyerno in makakatagamtam hin kadagmitan nga 20,000 pesos cash assistance ngan makakatagamtam liwat hira hin additional economic assistance sugad hiton sari-sari store, hand-tractor nga iba pa.

Segun pa ni Abaya, nga antis pa maproklama an SIP han 2008, na total na hin 2,174 nga rebel returnees an nakatagamtam hin socio economic assistance tikang ha gobyerno.

Han inagi pala nga petsa 5 yana nga Marso 2010, na total na hin 468 nga mga armas an nakulikta han gobyerno tikang han mga rebelde nga bumalik ha piod han gobyerno ha ilarom han SIP.

Ngan yana, may ada na 11.7 million pesos an naihatag han gobyerno ha kada 20,000 pesos nga immediate cash assistance, ngan 20.85 million naman ha livelihood assistance, ngan ha kabug-usan, na total na ini hin 32.55 million pesos.

Pagbisita ha 8ID han commanding general phil army, malinampuson

Nagin malinampuson an pagbisita ni Lt. Gen. Reynaldo Mapagu an Commanding General han Philippine Army ha kampo hiton 8th Infantry Division dida han petsa 26 han Abril hini nga tuig. Sumala kan Lt. Col. Armand Rico an Public Information Officer han 8ID.

Pinangunahan ni Lt Gen Mapagu an mga aktibidades sugad han blessing ngan ribbon cutting han Nurse Station han Camp Lukban Station Hospital.

Ngan kataliwan hini, nagpagpadangat liwat ni Maj. Gen. Arthur Tabaquero han iya information briefing mahi-unong han kabug-usan nga sitwaston han nasasakopan han 8ID, labi na gud hiton ira mga paghihimoon yana nga tidara-on nga election ngan gin tagan gihapon hin doon an ira mga peace and development initiatives.

Ngan nagkamay-ada liwat awarding ceremony para hadton mga deserving personnel han 8ID ngan 11 nga mga sundalo an nakatagamtam hin spot promotion. Ngan dida hito naghatag hin mensahe hi Lt. Gen. Mapagu ha mga kasundalohan, iya gin aaghat an 8ID nga imentinar an pinakahitaas nga lebelo han disiplina ha pagtuman han ira serbisyo, mag-obserbar han rule of law. Pagproteher ngan pagrespeto han human rights agud magin malinampuson an mga kampanya para ha mahimyang nga pasen orden.

Gin pangunahan gihapon ini ni Lt Gen. Mapagu ug ni Maj General Tabaquero ngan mga opisyales ug kasundalohan han 8ID an 5km fun run kumo kaparte han pagbisita ni Lt. Gen. Mapagu.

Babaye nga rebel returnee, hul-os an pagpapa-salamat ha financial assistance nga hatag han gobyerno

Dako an pagpapasalamat ha gobyerno ni Erlinda Rosales, 59-anyos, usa nga rebel returnee tungod nakakarawat na hiya han inisyal nga bulig-pinansiyal tikang ha Office of the Presidential Adviser on Peace Process (OPPAP) han naglabay nga adlaw.

Sumala kan Rosales, karuyag niya nga makapag-bag–o han iya kinabuhi, ug maka-upod utro an iya mga anak nga naharayo ha iya ha sulod hin maiha nga panahon.

Dugang pa ni Rosales gusto niya nga mapun-an an iya mga nagin pagkulang durante hadton mga panahon nga waray niya maatiman an iya mga anak tungod han iya pagbulig ha npa nga grupo.

An simple nga seremonya in gindumara ha Provincial Social Welfare and Development Office ha Catarman, Northern Samar.

Gin tambungan ini nira Maj. Melecio Castillo, 1lt Rolito Sorilla, ngan Carmel Mejia, Provincial Social Welfare and Development Officer han Northern Samar.

Pinaagi han mga programa han gobyerno sugad han SIP in mas nagtitika-damo iton mga rebelde nga nagpapakita hin interes nga sumubad han iba nga mga NPA nga bumalik na ha gobyerno.

Published in http://bomboradyo.com/

2 nga army generals, ginpasidunggan

TACLOBAN CITY - Ha primero nga higayon, usa nga star an nahibutang ha butkon han duha nga army generals tikang ha 8th Infantry Division (8th ID ) Philippine Army hadin nakalabay nga adlaw.

Nakuha nira Brig. Gen. Alan Luga commander han 802nd Brigade ngan hi Brig. Gen. Joel Ibañez commander han Army Reserve Command an ira pinaka-siyahan nga promosyon ha ira ginbuhat nga pakig-bisog kontra han mga rebelde nga grupo ha rehiyon.

Hi Luga in naka-assign ha Carmen, Bohol samtang hi Ibañez in naka-assign ha Samar nga napamatud-an nga mahamis an iya ngaran ngan nagin basehan ine an iya pagkarawat hini nga promosyon.

Ine in pagkilala han ira kontribusyon han mga malinampuson nga engkuwentro ug operasyon nga gindumara han kasundaluhan agud panalipdan an komunidad kontra hiton insurhensiya.


published in http://bomboradyo.com/

NPA ha Ligao City patay ha engkwentro

Usa nga New People’s Army o npa in namatay ha enkwentro kontra han tropa han military kakulop nga adlaw didto han kabukiran ha Ligao City, segun han usa nga Army official.

Sumala kan Major Harold Cabunoc, spokesman han 9th Infantry Division nga kanabase ha Pili, Camarines Sur, an 15-man team han kasundalohan nga pinangunahan ni 1st Lieutenant Jonnel Tancio in nakaennkwentro hin dose nga mga rebelde nga NPA dida han alas dose singkwenta han kulop ha Barangay Balanac, Ligao City.

An pinusilay in umabot hin dyes minutos ngan nagresulta hin pagkamatay hin waray pa makilala-i nga meyembro han mga rebelde nga nabilin mismo didto han encounter site ngan an iba hini in nakakalagiw.

An patay nga lawas han nasabi nga npa gin dara ngadto han brgy hall para makilala ngan matagan hin desinte nga lubong.

An mga kasundalohan in nakarekopo hin usa nga M-16 rifle, segun pa ni Cabunoc

Waray naman nahisumat nga nasamaran hiton panig han gobyerno.

Rebelde nga NPA nagsurender hin armas; balik eksperyensya han tinood nga demokrasya

Kakuri-an, gutom, kaawa, kawaran pagla-om ngan kasubo an pipira la nga mga rason an nayakan han dati nga rebelde kahuman han bolontaryo niya nga pagsurender ha usa nga meyembro han Charlie Company han 19th Infantry Battalion, 12:30 p.m. petsa 26 han Pebrero

Sumala ha report, hi Lemy Oronuz, 23 anyos, nga tinatawag nga Joshua samtang nakadto hiya han underground movement han Pingkoy Platoon han Front Committee Leyte. Hiya in residente ha Brgy. Oguesan, Mac Arthur, Leyte nga nagin meyembro han organisasyon nga NPA hin pira ka tuig.

Segun pa ni Orunuz, diri na niya kaya an kakuri-an nga naiiksperyansyahan pati na an iya mga kaupod ha ilarom han kagi-usan labi na gud an ira gin hihinulat nga katumanan han mga panaad hadto in hira gin re-recruit pala.

Dugang pa Orunuz, nga an iya iba pa nga kaupod in nagpapakita nah in intensyon para sumunod han iya mga nagin desisyon na gumawas na ha kagi-usan ngan bumalik na han tinood nga demokrasya nga maiha na nga gin kuha han partido ngan kagi-usan.

Iya gin malatumat, nga hira in naaghat han mga testimonya han iya mga nagin kaupod nga nakatagamtam na han kanan gobyerno programa an Social Integration Program (SIP) ngan nakita nira an kamatu-oran. Ha ira pagtoo kun hin-o man an masurrender in papatayon han mga military pero ini in buwa la ngay-an.

Hi Orunuz in boluntaryo nga nagsurender ngato han sundalo ha 19IB nga dara an iya M16 rifle nga mayday tulo nga long ngan tulo nga short magazine nga loaded hin mga bala.

Hini nga panhitabo, an 8ID Commander, nga hi Maj. Gen. Arthur Tabaquero in gin tagan hin kasegurohan hi Orunuz bahin han iya seguredad ngan an iya ngaran in dayon ig i-enrolled han SIP program.

“Personal ko nga gin appreciate an tama nga gi-os ngan desisyon nga gin buhat ni Lemy. Hiya in bata ngan damu pa an iya mahihimo ha iya pangidaron ngan maitatama pa niya adton mga naglabay nga mali nga desisyon ngan magmamaupay pa an iya kabubuwason”, dugang pa Maj. Gen. Tabaquero.

“Gin o-utro ko an akon panawagan ngadto han aton kabugto-an nga ada pa ha underground movement nga akon gin ko-consider nga mga biktima, nga sumunod han maupay nga nagin desisyon ni Lemy ngan magin mabinungahon an ira kabubuwason. Kausa ako han magkalain-lain nga ahensya han gobyerno, People’s Organization, Local Government Units ngan Cause Oriented ug Progressive Groups nga mapaangbit han ira parte para han adbokasiya nga matapos na an insurhensiya nga nagpapadayon nga rason sanglit an peace and development han probinsya in diri hul-os nga natatagamtaman.” Ha pagtatapos ni Maj. Gen. Tabaquero.

Panibag-o nga engkwentro han militar vs. NPA, sumiklab ha Sorsogon

Sumiklab an panibag-o nga bakbakan ha butnga han New Peoples' Army (NPA) ngan tropa han militar ha Bicol region.

Kahuman han magkasunod na engkwentro nga nahinabo ha lalawigan han Catanduanes in nag naghimo na liwat hin karahasan an mga rebelde ha Sorsogon.

Han nag-agi nga pag-ambush han maabot 15 nga kaapi han NPA an usa kaplatoon han Scout Ranger Company samtang naghihimo hin foot patrolling ha Sitio Bura-buran, Brgy. Sta. Cruz, bungto han Casiguran.

Umabot hin kense minutos an pinuslay han duha nga grupo, samtang waray napablita nga casualties ha hanay hiton militar.

Gin totoohan nga namatyan an mga kalaban nga mga rebelde tungod han nakita nga dugo ha encounter site pero waray pa pahayag nga iginawas hiton CPP-NPA-NDF ha Bicol.

Ini na an ikalima nga engkwentro nga nahinabo yana nga tu-ig tikang hadton enero hasta yana nga bulan hiton lalawigan han Masbate, Catanduanes, Camarines Sur ngan Sorsogon.

Dinhi naman ha rehiyon 8 tulo nga nga enkwentro an nahinabo kundiin upat nga higtaas nga kalebre hin armas an narikopo hiton mga militar.

Tungod hini, mas nagin alerto an tropa han gobyerno para pakurukusogon an operasyon kontra ha mga kalaban nga npa nga gin malatumat nga nagdo-double time tungod kay tikahirani nga iton pinili-ay.

Brgy. councilor; pinusil ha Sorsogon han mga NPA, patay!

Gin pusil ngan namatay han mga gin totoohan nga mga kaapi han New People's Army (NPA) an usa nga barangay councilor ha lalawigan hiton Sorsogon.

Gin kilala an biktima nga hi Pedro Balderama y Estoles, 45-anyos, furniture owner ngan usa nga konsehal han Brgy. San agustin, Irosin.

Ha report han pulisya, alas-10:45 han gab-i samtang napalit ha sari-sari store didto han ira amyaw hi Balderama han da-upon ini hin duha katawao nga waray makilala nga mga suspetsado nga armado hin pusil.

Gin pusil ini dayon an biktima ha waray pa masabti an motibo.
Nag-ankon hin tama hin bala ha iba-iba nga parte han iya kalawasan hi Balderama nga naging hinungdan han iya pagkamatay.

Na-recover ha crime scene an duha nga spent cartridges; usa nga slug ngan live ammo hin caliber .45 pistol ngan surat tikang ha hukbong bayan ha ilarom han Celso Minguez Command.

An patay nga lawas han biktima in gin dara ha Irosin District Hospital para ha otopsiya.
Nagpapadayon pa an imbestigasyon han kapulisan kasumpay han nasabi nga insedente.

Mga private armed groups ha Samar target han Special Task Group on Private Armies nga bungkagon

May mga private armed groups pa ha Samar nga posible mabungkag han Special Task Group on Private Armies kahuman nga mahulog ha kamot han balaod an usa nga noturyos nga grupo han mga armado nga kalalakin-an ha syudad han Calbayog.

Sumala kan Supt. Honorio Agnila, Regional Chief han Criminal Investigation and Detection Group (CIDG-8), may mga grupo na ha pagkayana ha Samar nga ira na gin-ooperate ngan posible ha masunod nga mga adlaw in may-ada na maupay nga resulta.

Iginpahayag pa ni Agnila nga damo pa nga mga ilegal nga armas an nagsasarang ha pagkayana ha Samar nga posible gamiton han pipira nga pulitiko para hulgaon an ira mga pangontra ha politika ngan ngada ha mga botante.

Manunumduman nga kaupod an CIDG Operatives ha raid nga gindumara han Special Task Group ha Calbayog City kun diin namatay an lider han Tirga Group nga ginkilala kan Michael Tirga, kun diin 26 hine nga tawuhan an nadakop han mga kapulisan ngan 44 nga magkadurudilain nga kalibre hin pusil an narekupo.

Lider han PAG ha Samar, naawat ha engkwentro; 1 samaran ha panig han gobyerno

Usa nga wanted nga lalaki an namatay samtang usa naman nga pulis an samaran han magkaengkwentro an pinag-usa nga pwersa han PNP, CIDG ngan Regional Mobile Group kontra mga gin-aalegar myembro han private armed groups ha Calbayog, Samar dida han petsa 21 han Pebrero 2010.

Sumala kan Chief Supt. Rey Lañada, Regional Director han PNP Regional Office 8, 26 nga myembro hine nga private armed groups an nagkakadakop ngan maabot 44 nga armas an narekupo han mga kapulisan.

Gin kilala ni Lañada an namatay mahuman makigpusilay ha mga kapulisan nga hi Michael Terga, lider han Terga Private Armed Group kun diin may-ada hine standing warrant of arrest ha kaso nga murder, samtang an samaran naman ha panig han gobyerno en ginkilala kan PO1 Ablinga, myembro han Regional Mobile, ngan ine en dayon nga gindara ha RTR hospital ha syudad han tacloban ngan ine In padayon pa nga gintatambal ha pagkayana.

Sumala kan Lañada, nagdumara hin operasyon an mga myembro han Special Task Group on Private Armed Groups ha Calbayog City mahitungod han ira nakarawat nga mga impormasyon nga may mga armado nga kalalakin-an nga nahikit-an didto hine nga syudad.

Nagkamay-ada anay balyuay hin buto ha butnga han duha nga grupo kun diin ha katapus-tapusan nagsurender ine nga mga armado nga grupo kahuman nga mapatay an ira lider.

Narekupo tikang ha mao nga grupo an usa nga M16 armalite rifle, usa nga ingram, usa nga KG sub machine gun, 18 nga improvised shotgun, unom nga automatic shotgun, lima nga caliber 22 rifle, tulo nga airgun, usa nga 357 revolver, duha nga 45 caliber pistol, tulo nga caliber 38 revolver, usa nga caliber 22 magnum revolver ngan damo nga mga bala.

Ha pagkayana nagsalawad na an PNP hin kaangayan nga kaso nga ha mga nagkadadakop nga suspek.

2 nga patay nga lawas han NPA, nabukad!

Natad-an hiton mga brgy. Officials han Concepcion, Arteche Eastern Samar, ha usa nga himabaw nga hukab an patay nga lawas hin duha nga miyembro han New People's Army o (NPA), duha ka adlaw kataliwan magkamay-ada hin engkwentro ha butnga han mga rebelde ug han 14th Infantry Battalion, ha kabukiran han brgy. Dorillo, Jipapad E. Samar.

Sumala han report hiton 8th Infantry Division - Division Public Affairs Office o (DPAO), banda alas 4:30 han kulop dida han Pebrero 14, 2010, durante han pagdumara hin temporary patrol base han army platoon nga ginpamunuan ni sgt. Orosco, nadiskubre ug nabukad an duha nga patay nga lawas nira Lilio Liad alyas Binal ngan an usa in nakilala la nga alyas Navy/Antoy. Pinaagi han mga brgy. Tanod ug brgy. Officials, nga ginpangunahan naman ni brgy. Chairwoman Zeradia Pajares.

An mao nga mga opisyales naman an kumilala han mao nga mga patay nga lawas ug gumios agud matagan hin disente nga lubong an mga ini.

Samtang ginpapamulat an Official Autopsy Report, nahimalatumat nga nag-angkon hin mga igo hin bala an kalawasan han duha nga cadavers - kun diin an usa in mayda igo ha may irok, samtang an usa liwat in may igo hin bala ha liog.

Gin kumperma han kasundaluhan nga an duha nga patay nga lawas, in miyembro han Regional Security Force, Bangkaw Platoon, Eastern Visayas Regional Party Committee han NPA nga grupo ngan mahihinumduman ginka-engkwentro han 14IB ha pamumuno ni Sgt. Jessesito Pejana, ug nag-resulta han paka-rekupo han mga army hin M16 ug M14 rifles, dida han Pebrero 12, 2010.

Kasumpay hini, nagpadara hin tropa hi Lt. Col. Jaime Hidalgo, Commander han 14IB agud mag-hatag hin assistance ha pag-eksamin, ug pag-lubong han mao nga mga cadavers.

Samtang, ginpahayag naman ni 8th infantry division commander nga hi Maj. Gen. Arthur Tabaquero an iya pagpasalamat han mga brgy. Officials nga naka-diskubre ug naghatag hin report ha mga otoridad bahin han panhitabo.

60 namatay ha NPA-Cordillera; 500 nga pusil, nakumpiska

Masobra 60 nga meyembro han New People’s Army (NPA) an naturalisa tikang September 2008 hasta Disyembre 2009, kaupod na an pagkakuha hin may maabot 500 nga higtaas nga kalibre hin pusil, sumala ha Police Regional Office-Cordillera ha La Trinidad, Benguet.

Sumala kan C/Sup Orlando Pestano, Regional Director nga may traynta nga rebelde an natagan hin bulig pankabuhayan ha ilarom han Social Integration Program han gobyerno.

Segun pa ni Pestano, an pagkadakop han NPA leader nga hi Jovencio Balweg dida han katapusan nga bulan han naglabay nga tuig an pinakadaku nga kada-ugan ha kampanya han gobyerno kontra ha insuhensiya, tungod kay damu na an mga rebelde in nagsurender kahuman hini.

Hi Balweg an premiro nga suspek ha pagpatay han iya kalugaringon nga bugto nga hi Fr. Conrado “Ka Ambo” Balweg dida han Disyembre 31, 1999.